رجب بٹ کی طلاق کا سچ: ڈاکٹر روبی کے پوڈکاسٹ کے بعد پیدا ہونے والے اہم سوالات

 

رجب بٹ یوٹیوب کی دنیا کا ایک ایسا نام ہیں جنہیں ہر کوئی ایک سنجیدہ، بااخلاق اور ذمہ دار انسان کے طور پر جانتا ہے۔ وہ اپنے دوستوں کے لیے یاروں کے یار ہیں اور اپنی فیملی سے بے پناہ محبت کرتے ہیں۔ چاہے ان کے ماں باپ ہوں یا بہنیں، رجب نے ہمیشہ اپنی فیملی کو ہر چیز پر فوقیت دی ہے۔

حتیٰ کہ اپنے بیٹے کیوان سلطان بٹ سے ان کی محبت کسی سے ڈھکی چھپی نہیں، جسے پیدائش سے لے کر اب تک وہ بدقسمتی سے صرف ۳ بار ہی مل سکے ہیں۔ لیکن اس تمام تر صورتحال کے بعد سوشل میڈیا پر ایک بڑا سوال گردش کر رہا ہے:

"جو انسان پوری فیملی اور دوستوں کو اتنی عزت اور مقام دیتا ہے، وہ اپنی بیوی کو وہ مقام کیوں نہ دے سکا؟ کیا ایمان لالچی عورت ہیں یا معاملہ کچھ اور ہے؟"

بیوی کے کردار پر بات کرنے سے صاف انکار

حالیہ دنوں میں ڈاکٹر روبی کے پوڈکاسٹ میں گفتگو کرتے ہوئے رجب بٹ نے اپنی سابقہ اہلیہ پر کسی بھی قسم کا الزام لگانے سے مکمل گریز کیا۔

رجب بٹ کا کہنا تھا:

• "وہ میرے بیٹے کی ماں ہے۔"

• "میں اس کے ساتھ نہیں رہ سکتا اور اس سے الگ ہو چکا ہوں، لیکن میں اس کے بارے میں کبھی کوئی غلط بات نہیں کروں گا۔"

• "اس کا کردار ایسا ہرگز نہیں کہ اس پر کوئی بات کی جائے یا اس کی ذات پر کیچڑ اچھالا جائے۔"

رجب کے اس طرزِ عمل نے یہ بات ثابت کر دی کہ وہ الگ ہونے کے باوجود بھی ایک باظرف اور بااخلاق انسان ہیں۔

طلاق کی اصل وجہ: ایمان کا بھائی عون؟

پوڈکاسٹ کے دوران رجب بٹ نے معاملے کی اصل تہہ سے پردہ اٹھاتے ہوئے اس تمام تر صورتحال اور طلاق کا ذمہ دار ایمان کے بھائی عون  کو قرار دیا۔

رجب کا کہنا تھا کہ اگر عون اپنی زبان کو کنٹرول میں رکھتا اور حد سے نہ بڑھتا، تو بات کبھی طلاق تک نہ پہنچتی۔ اس بیان کے بعد یہ واضح ہوتا ہے کہ میاں بیوی کے اپنے مسائل سے زیادہ، سسرالی رشتہ داروں کی بے جا مداخلت اور تلخ کلامی نے اس خوبصورت رشتے کا خاتمہ کر دیا۔ رجب بٹ اور ان کی فیملی اس وقت ایک مشکل موڑ سے گزر رہی ہے۔ رجب کا اپنے بیٹے کیوان سے دور رہنا یقیناً ان کے لیے ایک دردناک تجربہ ہے۔ ڈاکٹر روبی کے پوڈکاسٹ نے بہت سے حقائق کو سامنے لا کر کھڑا کر دیا ہے کہ ہر بار غلطی میاں یا بیوی کی نہیں ہوتی، بلکہ بعض اوقات ارد گرد کے لوگوں کا رویہ بھی بنے بنائے گھروں کو اجاڑ دیتا ہے۔

 لاہوروالاکی پوری ٹیم کی دعا ہے کہ اللہ تعالیٰ رجب بٹ، ان کے بیٹے کیوان اور تمام فیملی کے لیے آسانیاں پیدا فرمائے